გაივლი – გაგიღიმებს.
გამოივლი – გაგიღიმებს.
იძაბები. გინდა ყველაფერი დაივიწყო. ყველაფერი შეცვალო. ყველაფერს ვერ შეცვლი.
-თავს რატო არ მანებებ?
-მინდა გაგაღვიძო.
-არ მინდა.
-შენ გგონია, რომ აღარაფერი გაქვს დასაკარგი?
-მგონია რომ მაქვს.
-წადი გაისეირნე.
-მინდა უსასრულობაში ვისეირნო, მინდა გავფრინდე და თავისუფლება შევიგრძნო, აი ის, რასაც ჭეშმარიტი თავისუფლება ჰქვია.
-უნდა აიჭრა ზევით, სულ ზევით… ნელი რხევებით გააპო ნიავი, შეუერთდე ღრუბლებს, გასცდე მათ და ასე იფრინო უსასრულობაში, უნდა იგრძნო რომ არასოდეს დაიღლები, არასოდეს დაეშვები შურდულივით ძირს, არასოდეს გაუფერულდება ცა, ღრუბლები…
-აი, ამის შემდეგ ვიტყვი რომ ბედნიერი ვარ!
-შენ ბედნიერი ხარ, უბრალოდ არ შეგიძლია თავისუფლად რხევა. მძიმედ მოძრაობ და ამით უფრო ამძაფრებ ყოველდღიურობას.
-მაშინებ!
-ეს ყველაფერი ერთ მხატვრულ ფილმს გავს, სადაც არასოდეს აჩვენებენ რა ხდება Happy end-ის შემდეგ…
-Happy end-ის შემდეგ ცხოვრება შენ თვითონ უნდა მართო. გინდა თუ არა ყველა სადავე შენს ხელთაა.. მათრახიც შეგიძლია გამოიყენო, დაუმორჩილებლობის შემთხვევაში.
…. თვალცრემლიანი ზიხარ და უაზროდ საათს მისჩერებიხარ, რომელიც თითქოს და გაჩერდა..
-დრო არასოდეს ჩერდება…
-სამაგიეროდ ოდესმე ჩვენი ცხოვრება გაჩერდება…
ველური ორქიდეა 
Butterfly
/ November 3, 2012საათის წიკწიკი 🙂 ჩერდება როგორ არა,როცა ელემენტი დაჯდება :დ